Drekastevnið
Orð og lag: Heri Nolsøe
1. Ørindi:
Spenningsrómur og árarnar í sjógv,
luftin kennist frísk og flógv.
Í sveittabroti tit rógva mál á tamb,
og stríðast fram við aldukamb.
​
Niðurlag:
Rógvið kvinnur, rógvið menn,
tit hava nógva megi enn,
í barmi róðrarhjarta brann,
nú Drekastevnið sigur vann.
​
2. Ørindi
Tit strúka fram, seta tykkum vinnarmál,
kanska fæst eitt sigurshál,
í hørðu kapping tit rógva fram á leið,
á báru bátur spelkin reið.
...Niðurlag...​​
3. Ørindi
Summartíð, sólin kyssir fjallatind,
kveikist føgur róðrarmynd,
úr eini aldu har reisast tit upp frá,
so vøkur bretta tykkum á.
​
...Niðurlag...
​​
4. Ørindi
Havsins bylgjur tær spæla sær,
froysa beint ímóti tær,
sól og sjórok kínir hár,
í sigursróma smíl og tár.
​
​...Niðurlag...
Drekin
Orð og lag: Ronnie Nielsen
1. Ørindi:
Drekin spennir veingir út
og fer so upp í ferð,
eingin bátur fylgir honum,
tá í nánd hann er
​
Niðurlag:
Rógvið dreingir,
rógvi Drekan inn á mál,
spennið spengur,
rógvið við tykkar´ lív og sál.
​
2. Ørindi
Fylkjast teir í felagsskapi,
fremja róðrabrøgd,
renna fram á bylgjusíðum,
vinnarkós er løgd.​​
...Niðurlag...​​
3. Ørindi
Rógva teir so andbráðir,
tak fyri tak,
drekastevnið strýkur fram,
um tað ímóti rak.
​
...Niðurlag...
​​
4. Ørindi
Drekin spennir veingir út
og fer so upp í ferð,
eingin bátur fylgir honum,
tá í nánd hann er.
​
​...Niðurlag...
Havnarbáturin fyrstur á máli
Orð og lag: